Ғылыми мектеп 2014 жылы Қазақстан Республикасы ІІМ Алматы академиясының қылмыстық құқық және криминология кафедрасында ұйымдастырылған.
Ғылыми мектептің миссиясы қызметкерлер мен білім алушыларды ғылыми-зерттеу жұмыстарына тарту, оқу орындарымен, ғылыми-зерттеу институттарымен, мемлекеттік және құқық қорғау органдарымен ынтымақтастық, қылмыстық заңнаманы және құқық қолдану практикасын жетілдіру, ғылыми іс-шараларды ұйымдастыру.
Қылмысқа қарсы іс-қимыл мәселелерін зерттеу, білім мен инновацияны дамыту, зияткерлік іргетасты нығайту, қызметкерлердің, жас ғалымдар мен білім алушылардың ғылыми белсенділігі мен кәсіби дамуын ынталандыру.
Қайыржанов Елеген Ізтілеуұлы қылмыстық құқық және криминология саласындағы көрнекті ғалым, Қазақстан Республикасының ғылым және техникаға еңбек сіңірген қайраткері, ҚЖҒА академигі, заң ғылымдарының докторы, профессор 1933 жылы 17 қыркүйекте Атырау облысы Махамбет ауданында дүниеге келген
1973-1983 жылдардан бастап ол 1960-1980 жылдардағы құқық бұзушылықтардың құрылымы мен динамикасының жай-күйіне ауқымды социологиялық талдау жүргізді. Қылмыс объектісінің мәні мен құрылымын анықтау бойынша қылмыстық құқық теориясына елеулі үлес қосты. Қылмыстық кодекстің Ерекше бөлігінде әлеуметтік игілік – қоғамның, мемлекеттің, жеке тұлғаның мүддесі түріндегі қорғалатын объект тұрғысынан нормаларды құру қажеттілігін әдіснамалық негіздеді. Осы тұжырымдама негізінде 1975 жылы Т. Г. Шевченко атындағы Киев мемлекеттік университетінде докторлық диссертация қорғалды.
Ғылыми еңбектері:
200-ден астам ғылыми жұмыс, оның ішінде 20 монография, оның басшылығымен 11 ғылым докторы, 30-дан астам ғылым кандидаттары қорғалды.
Ғылыми мектептің қызметі қылмысқа қарсы іс-қимыл саласындағы зерттеулер, қылмыс бойынша заңдардың даму мен заңдылықтарын зерттеу және білу, қылмыстың пайда болу және даму себептері мен жағдайларын зерттеу, қылмыскердің жеке басының орны мен рөлі, құқық бұзушылықтың алдын алу және ескерту бойынша оңтайлы шешімдер әзірлеу.
Қайыржанов Елеген Ізтілеуұлы ғылыми мектебінің жобалары:
* 2021 жылғы 17 қыркүйекте Елеген Ізтілеуұлы Қайыржановтың мемориалдық тақтасының ашылуы өтті.
2022 жылғы 17 қыркүйекте Академия қабырғасында профессор Қайыржановтың атаулы аудиториясының ашылуы өтті.
* ғылыми іс-шараларды (конференциялар, дөңгелек үстелдер, тренингтер, тақырыптық кездесулер, қылмыстық құқық және криминология саласындағы жетекші мамандарды тарту)ұйымдастыру және өткізу. 2023 жылы 22 қыркүйекте «Қоғам және мемлекетті ақпараттандыру және цифрландыру жағдайында қылмысқа қарсы іс-қимыл» атты ғылыми тәжірибелік конференция өткізілді. Жыл сайын ғылыми мектеп шеңберінде «қылмыстық заңнаманы жетілдірудің өзекті мәселелері: теория мен тәжірибе мәселелері» атты Халықаралық ғылыми-практикалық конференция өткізіледі, ол қылмыстық саясат бағыттарын іске асыру және қылмыстық заңнаманы жетілдіру мәселелерін талқылауға арналған ғылыми алаңға айналды. Құқық қолдану практикасының перспективалық мәселелерін шешуді қамтамасыз ететін жаңа білімді, инновацияны дамытуға ықпал ететін Академия магистранттары мен докторанттарының ғылыми-зерттеу жұмысына жәрдемдесу жолға қойылған.
Қайыржановтың аудиториясында Академия докторанттары мен магистранттарының қатысуымен ғылыми мектептің отырыстары өткізіледі, мектеп мүшелері көрнекті ғалымдармен және практикалық қызметкерлермен тақырыптық кездесулер ұйымдастырады, оқыту семинарлары мен тренингтер өткізеді. Оқу және ғылыми әдебиеттерді басып шығару: монографиялар, оқулықтар, оқу құралдары, шолулар, ғылыми мақалалар. Ғылыми мектептің жұмыс істеген жылдары (2014-2023 жж.), кафедраның ғылыми зерттеулер қорында 50-ден астам баспа басылымдары, оның ішінде монографиялар, оқу құралдары, әдістемелік ұсынымдар және т. б. бар.
Академия қызметкерлері мен білім алушыларының кәсіби дамуы мен өсуін, мансаптық ұмтылыстарын ынталандыруды нығайту. Ғылыми мектеп мүшелері демалыс іс-шараларына да ерекше назар аударады: мұражайларға, театрлар мен кітапханаларға бару, спорттық іс-шаралар ұйымдастырылады. Сонымен қатар, мектеп мүшелері конференцияларға, тренингтерге белсенді қатысады. Оқыту әдістемесі бойынша да, кафедра бейіні бойынша да біліктілікті арттыруға ерекше көңіл бөлінеді. 2015 жылдан бастап профессор Е.І.Қайыржанов ғылыми мектеп жанындағы қылмыстық құқық және криминология кафедрасының 12-ден астам докторанты докторлық диссертацияларын сәтті қорғап, философия докторы (PhD)дәрежесін алды
